繼上週第一次覆診之後, 今天便是第二回的覆診日. 一直都被傷口的痛同頭痛所困擾, 趁是次覆診, 問一問醫生有咩解究.

"頭痛跟傷口痛有關, 再者手術時有流血, 之後我又食唔到野, 見議我食多d紅豆之類含鐵質的野補充番" 醫生就係咁笞啦!
之後再幫我睇睇個傷口, 有d手術線鬆鬆地, 醫生就話可以拆線. 拆之前, 滴左d藥水係傷口上面, 有些少滴左係絛脷度, 好"乸", 又聞到好臭. 原來果d係麻醉藥水, 跟住就開始拆線, 雖然係有用麻醉藥水, 但係都唔代表唔痛, 由其是係越入的位置就越難拆. 醫生都話聯針難, 拆線又係咁難. 但我就覺得係聯針痛, 拆線又痛. 忍忍忍............! _ ! 眼水都標出來 漱口時手都震埋. 吐第一啖時好多血絲, 之後用左2杯水沖先至無血絲.

醫生今次除左開止痛藥俾我之外, 仲俾左d維他命丸. 下一次覆診就係兩星期之後.

見完醫生出返去接待處的時候, 見到有個女仔坐係輪椅上, 塊面好腫, 個口仲有d流血, 個女仔係咁抺. 我估佢同我可能都係做一樣的手術, 見到佢咁, 就唸返兩個星期前的自己. 我都希望兩個星期後再來覆診的時候, 都會好得七七八八啦!